Tag Archives: rashid nakhle

رشيد نخلة – تعجيز البشر



لمّن الهي راد تعجيز البشر
كونك بدعة وفجعة للنظر
والشمس من اجلك تركها بحالها
وكرمال عينك بالسما زتّ القمر
والشمس من اجلك تركها بحالها
من حيثها دلّت عليك حبالها
وخلا القمر ما عاد يطل قبالها
قاصصو بحيثو على وجهك ظهر
قاصصو بحيثو على وجهك طلع
ضو القمر الاّ وأخد عنك خبر
ضو القمر الاّ وأخد عنك بها
وفرّق عنجم سهيل منّو والسهى
ولمن نهاه العزّ اسمو وما انتهى
صار كل شهر يقاصّو بغصّه وكدر

——
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon

رشيد نخلة – شو ذنب الهوى

ان ما سعفني الحظ شو ذنب الهوى شو ضرّ غير الغصن لو الغصن التوى قالوا اللقا من بعد شي شهرين زمان وبعد العليل ما يموت شو نفع الدوا قالوا اللقا من بعد شي شهرين زمان وتاعيش هالشهرين زمان شو لي … read more

رشيد نخلة- ومصيبتي قلبي

بحياة مين كوّن جمالك يا حلو يكفاك بقا قلبي العزيز تذلّلو ان كان مابتشفي جريحك بالهوى عالقليله يا حلو ما تقتلو ان كان مابتشفي جريحك بالهوى علقليله قول ما عندي دوا ما عظّني طير طاير لاهوا متلي مضعضع او مسافر … read more

رشيد نخلة – لما الشمس عتقت

لما الشمس عتقت في سماها وشاف ربّي الدّني بتظلم بلاها خلق محبوبتي تتنوب عنها ووهبها متل ما بدها وعطاها خلق محبوبتي تتنوب عنها ولطّف روحها وهفهف بدنها تفضّى وعتنى وكوّن عتنها محاسنها وعلى فكرو براها برى وكوّز لراسا بشعر أسود … read more

رشيد نخلة – الحب والطبيعة

من فحطة البقلوبنا بغصة بكي  لا تقول هيي شو باك ولا قول شو بكي لمّ التقينا تلعثموا لساناتنا وصار الحكي بيناتنا من دون حكي لمّ التقينا تلعثموا لساناتنا وصار الحكي بيناتنا بنهداتنا ناخد ونعطي مبادله بآهاتنا  وبالعيون منشرح هوانا ونشتكي … read more