Tag Archives: omar zeinni

عمر الزعني – النسوان

مجنون ومالو دوا
مين قال النسوان سوا
في منهم جواهر
في منهم قواهر
وفي منهم يا ساتر
للهوى وشم الهوا
الست الحلوة شم ولمّ
في غير حظها ما بتهتم
في بيتها جهنم حمرا
وعند الناس جنّة خضرا
بتوفر بودرة وحمرا
لكن بتزيد قلبك همّ
عالسمرة الله يعنيك
بتتبودر بحق طحينك
شو بتعمل معا الماشطة
حتى الحلاق الاسطه
بتضل البودرة قاشطة
وبتضل حارقة مسّينك
التوتر مالك ومالها
بتحكم راسها بدلالها
لانها أصغر منك
بيجوز تستغني عنك
ولو كانت بنت عمك
بتدور على خيّالها
الارملة سرها مفهوم
بيكفي خدها مشموم
طعميها لوز وسكر
وعطرها بمسك وعنبر
بتشكي بتنعي بتتأمبر
وبتترحم عالمرحوم
خود من اهلك ولا تهلك
الغريبة بتسلّك
بتفرجيك لسان مليح
ولما بيصحّ الصحيح
بتعملل لك شبكة من الريح
بتموت فيها على مهلك

————————-
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon