Tag Archives: عمر الزعني

عمر الزعني – في كل ضيعة قديسة

flower of lebanon

في كل ضيعة قديسة
فيها جامع وكنيسة
بدنا مين يخلصنا
من هالحالة التعيسة
السن بيضحك للسن
والقلب جوا ما بيحن
والمشاكل ما بتكنّ
شو هالامة التعيسة
بالظاهر كلنا اخوان
بالباطن اشكال الوان
منتظاهر بحب الاوطان
تحت ستار الدسيسة
عالعالي بدنا استقلال
عالواطي جيش احتلال
يا ضيعان هيك رجال
وها النفوس الحبيسة
في الجرايد منهلّل
في المعابد منعلعل
في كل مشكل مندخل
محمد وموسى وعيسى
وعلتنا منا وفينا
واللي فينا بيكفينا
بدنا مين يشفينا
من الامراض الخبيثة


المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon