Author Archives: Mira

عمر الزعني – عالهوب الهوب الهوب

عالهوب الهوب الهوب
والقاضي لابس روب
والحق أخد مجراه
ما عاد في ظلم بنوب
على حقك ما بقا تخاف
صار في حكام نضاف
والابوكاتيه ظراف
ما فيهم واحد جوب
لابسين روبات جداد
ما لبستها الاجداد
ولا شافت هالبلاد
نعمة أحسن من الروب
الحمدالله صار مفهوم
مين حاكم مين محكوم
والابوكاتو معلوم
من الشنطة او من الروب
الخلط ما عاد ينفع
صار في حكام بتسمع
فانوس الحق شعشع
حطوا عا راسو كلوب
الحمدالله صار في امان
صار في ذمة ووجدان
يا ريتنا من زمان
استهدينا على هالروب
فليحيا اللي نشلنا
واحيا لنا املنا
شو كان صار بحالنا
لو ما لبسنا هالروب
——
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon

رشيد نخلة – تعجيز البشر

لمّن الهي راد تعجيز البشر كونك بدعة وفجعة للنظر والشمس من اجلك تركها بحالها وكرمال عينك بالسما زتّ القمر والشمس من اجلك تركها بحالها من حيثها دلّت عليك حبالها وخلا القمر ما عاد يطل قبالها قاصصو بحيثو على وجهك ظهر … read more

رشيد نخلة – شو ذنب الهوى

ان ما سعفني الحظ شو ذنب الهوى شو ضرّ غير الغصن لو الغصن التوى قالوا اللقا من بعد شي شهرين زمان وبعد العليل ما يموت شو نفع الدوا قالوا اللقا من بعد شي شهرين زمان وتاعيش هالشهرين زمان شو لي … read more

رشيد نخلة- ومصيبتي قلبي

بحياة مين كوّن جمالك يا حلو يكفاك بقا قلبي العزيز تذلّلو ان كان مابتشفي جريحك بالهوى عالقليله يا حلو ما تقتلو ان كان مابتشفي جريحك بالهوى علقليله قول ما عندي دوا ما عظّني طير طاير لاهوا متلي مضعضع او مسافر … read more

رشيد نخلة – لما الشمس عتقت

لما الشمس عتقت في سماها وشاف ربّي الدّني بتظلم بلاها خلق محبوبتي تتنوب عنها ووهبها متل ما بدها وعطاها خلق محبوبتي تتنوب عنها ولطّف روحها وهفهف بدنها تفضّى وعتنى وكوّن عتنها محاسنها وعلى فكرو براها برى وكوّز لراسا بشعر أسود … read more

رشيد نخلة – الحب والطبيعة

من فحطة البقلوبنا بغصة بكي  لا تقول هيي شو باك ولا قول شو بكي لمّ التقينا تلعثموا لساناتنا وصار الحكي بيناتنا من دون حكي لمّ التقينا تلعثموا لساناتنا وصار الحكي بيناتنا بنهداتنا ناخد ونعطي مبادله بآهاتنا  وبالعيون منشرح هوانا ونشتكي … read more

عبد الله غانم – غياب الشاعر

كل عمرو مقفح الغيمات وبالكاد كنتو تقشعو خيالو واليوم على نتف قلتو مات لا تفزعو بعدو على حالو. # كل عمرو مقفح الغيمات وساكن بعيد… بعيد نيالو لا كنفشات عندو ولا زعامات ولا طائفية ممترسي قبالو هونيك ما في شك … read more

من يوم الراحت حنه

شعر أسعد السبعلي من كتاب حنه رحتي وهالقلب العاشق بعدو بيحن صلينا الدبقة للباشق علق بو الحن هبت ع دموعي الورقا بنار الحرقا حرقتلي قلبي الفرقا وبعدك راح جن ومن يوم الراحت حني قالو عني الحمام تعلم مني كيف بدو … read more

إن كنتو حناين

شعر أسعد السبعلي من كتاب حنه إن كنتو حناين يا عصافير الفلا …. تغاريدكن بتكون ع حنه صلا… بوجه حنه ألف غنية حنان ونور السما الألطف واحلى من الحلا … – – – – – يا إم سلوى محبتك ما … read more

اميل مبارك- ضيعتي

ضيعتي صنين واقفلا ناطور، يغار النسيم ان مر فوق جبالها، والقمر مسحور، حواليها بيدور، وبيرشرش الفضات عا شلالها! والشمس لم بتطل من خلف الصخور، عا مروجها الخضرا… بترخي حبالها، بتترك قبل ما تغيب، بخيال البحور، خصاصيل شعر مدهبي عا تلالها! … read more

ايليا ابو شديد- جرح الايمان

ما ندمت مره، ولا انا ندمان ع عمر ضاع بأولو… مني ولا عاد تحرز تسألي عني ما عدت عن حالي انا سئلان صاير بقايا خيال… من انسان معذب… متل لبنان مجرح… من الايمان وكافر بأرض، وبسما، وجنه وواقف بقلب الجرح!. … read more

ميشال طراد – نغمشي

قديش ه الوردي عمتكتر حكي؟! وبتضل هيي وه الكنار بوشوشي، مبارح غمش عنقا بضفرو الليلكي، واليوم بقح صدرها من الغرمشي. شو باك، يعني، شو؟ وانتي شو بكي؟ حسيت دخلك هيك متلي بنغمشي؟ read more