رشيد نخلة – شو ذنب الهوى



ان ما سعفني الحظ شو ذنب الهوى
شو ضرّ غير الغصن لو الغصن التوى
قالوا اللقا من بعد شي شهرين زمان
وبعد العليل ما يموت شو نفع الدوا
قالوا اللقا من بعد شي شهرين زمان
وتاعيش هالشهرين زمان شو لي ضمان
وتتقول عشت وصحّت احلامي كمان
شو الفايده وبتكون روحي سلّكت
والجسم ذاب وما بقا فيي نوا
شو الفايده وبتكون روحي سلّكت
وبتكون جسمي الف عله تملكت
ومهما الاطبا تفلسفت وتفلّكت
في شي ورا هالجسم ما يطالو علاج
نسمة هوا بس الصحيح عشق وهوى
في شي ورا هالجسم ما يطالو علاج
بحر ساكن والحنين خفق المواج
حاج يا عثير الحظ لوعة وحزن، حاج
اصبر عسى وعلّ الزمان يشفق عليك
ويردّ غربة صاحبك بعد النوى
اصبر عسى وعلّ الزمان يشفق عليك
وتتغيّر الايام وتزهزه لديك
ولما يعود من غيبتو ولفك اليك
لا تعاتبو ولا تقول كلمة تجرحو
وعيشوا سوا بدنيا الهوى وموتوا سوا

————————-
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon

Leave a Comment